Bake Bidearen agiria Baionako adierazpenari buruz

Joan den urriaren 24an, ostiralez, « Frantziako Euskal Herriko elkarrizketa taldea »-k bere deklarapena presentatu zuen, Lokarri eta nazioarteko Kontaktu taldeak ondoan zituelarik.

Aieteko bide orriko 4. puntuari erantzuten dion deklarapen hau bake prozesuari ekarpena garrantzitsua bezala kontsideratzen dugu, 4. puntu hori Euskal Herriko aktore sozio-politikoak eta instituzioak elkarrizketan sartu eta konzentsuak atxemaiteko  helburutzat hartzen duelarik.

Deklarapen horrek Estatu frantsesa Euskal Herrian diraun gatazkaren konponbidearen aktore nagusia dela adiarazten du. Ezen, elkarrizketa talde horrek gatazkaren ondorioetaz- hots, preso eta erbesteratuen gaiaz baita ere ETA talde armatuaren desarmatzeaz- Estatu frantsesa interpelatzen du. Aldi berean, Ipar Euskal Herriaren ezagutza instituzionalari buruzko dei azkar bat egiten dio frantses Estadoari.

Taldeko kideen iritziz, bi gai horiei buruz egiten ahal diren urratsak bake prozesuarentzat lagungarriak izaiten ahal direla dio.

Bake Bidea mugimendu zibila osaten dugunok, bake prozesuaren aldeko iniziatibak sustengatzen ditugu. Molde berean, Aieteko konferentzian  parte hartu eta berehala osatu zen talde horren lan amankomuna goresten dugu.

Deklarapen horrek tendentzi desberdinetako aktore politiko batzueen artean kontsentsuak atxemaiten ahal direla argiki erakusten du. Aktore sozio-politikoen eta jendarte zibilaren sustengua merexi du.

Duela hiru urte hasi prozesuan, urrats garrantzitua da, sustengu eta inplikazioa gero eta handiagoak direlarik, bereziki Iparraldean.

Aktore politiko zein sozialen galderari baikorki erantzuteko deia egiten diogu frantses Estatuari :

•        Azken hiru urte hauetan gatazkari aterabide demokratiko bat eta horren lortzeko pista batzu proposatzen dituzten guzien nahikeria entzuteko
  
•      Bake prozesuak bizi dituen oztopoei bukaera emaiteko baita ere konponbidearen bidea hartzeko. Gatazkaren konponbidean hartu behar duen papera aktiboki asumituz.

Horrela dugu lortuko Aieteko bide orria bururaino eramaitea.