{"id":783,"date":"2014-02-11T11:35:40","date_gmt":"2014-02-11T10:35:40","guid":{"rendered":"https:\/\/www.bakebidea.com\/?page_id=783"},"modified":"2016-12-02T10:49:27","modified_gmt":"2016-12-02T09:49:27","slug":"2014eko-bakerako-foruma","status":"publish","type":"page","link":"https:\/\/www.bakebidea.com\/?page_id=783&lang=eu","title":{"rendered":"2014eko Bakerako Foruma"},"content":{"rendered":"

BAKERAKO FORUMA<\/span><\/h1>\n

 <\/p>\n

2014 – Baiona<\/span><\/h5>\n
Lokarri eta Diziplina ainitzetako Fakultatearekin antolaturik<\/span><\/h5>\n

\"BB<\/p>\n

 <\/p>\n

Bakerako Forumeko bigarren jardunaldia, Baionako Diziplina anitzeko Fakultatean, martxoaren 1eko larunbatean, antolatua izan\u00a0zen. 2013ko martxoko Foro sozialean finkatu eta, Bake Bideak eta Lokarrik, urte bereko maiatzean publikatu zituzten gomendioak <\/a><\/span>ukan\u00a0zituen\u00a0solasgai.<\/span><\/p>\n

 <\/p>\n

Agerraldi horren helburua gomendio horiek nola bideratu ziren ulertzea izan\u00a0zen, bai eta horien edukia aztertzea, bide berez, berorien inplikazioak eta\u00a0 helmena ikusiz. Mahai inguru gisa antolatua izan\u00a0zen, gai ezberdin horiei buruzko argibideak emaiteko eta elkarrizketak sortzeko.<\/span><\/p>\n

 <\/p>\n

Eztabaidak, lehen aldi batean, nazioarteko adituen, bake prozesuan parte hartzen dutenen eta mahai inguruan aurkitzen ziren unibertsitarien artean egin\u00a0zen. Horren ondotik bideratu\u00a0zen\u00a0bertaratu zen publikoarekilako eztabaida eta solastatzea, beronek idatziz bideratuko zuelarik hizlariekilako harremana.<\/span><\/p>\n

 <\/p>\n

Lehen jardunaldiko printzipio berek zuzendu\u00a0zuten\u00a0Bake Forumeko bigarren jardunaldi hau\u00a0ere. Horrela eztabaida zabal baterako toki izan behar\u00a0zuen, aniztasuna eta tolerantzia, baina ere inpartzialtasun printzipioak oinarritzat harturik, unibertsitateari berari datxezkionak baitira eta hauteskunde garai honek handiagotzen baitzuten horien garrantzia.<\/span><\/p>\n

 <\/p>\n

Bakearen Etxean (Aiete Jauregian),\u00a0 2011ko urriaren 17an, Donostian egin zen Aieteko Konferentziatik <\/a><\/span>landa, Kofi Annan, Gro Harlem Brundtland, Bertie Ahern, Gerry Adams, Jonathan Powell et Pierre Joxek osatu aditu batzordeak adierazpen bat egin zuten, bost puntutan idatzi bide orri gisa, Euskal Herrian bake prozesu bat finkatzeko xedez. Erantzun gisa, ETAk urriaren 20an jakinarazi zuen borroka armatuari uko egiten ziola.<\/span><\/p>\n

 <\/p>\n

Ekimen horren ondotik, eta bake prozesuak aurkitu zituen zailtasunengatik, Foro sozial bat antolatu zen Iru\u00f1ean eta Bilbon, 2013ko martxoaren 14an eta 15ean, nazioarteko aditu askoren parte hartzearekin batera. Bi egun horiek, besteak beste, DDB (desarmatzea, desmobilisatzea eta berrintegratzea) prozesuari, giza eskubide eta askatasunei, presoen eta iheslarien itzulerari, bai eta, oroimenari eta bakea egiteari emanak izan ziren.<\/span><\/p>\n

 <\/p>\n

Eztabaida horietan finkaturik eta nazioarteko adituekin hitzarturik, Bake Bideak eta Lokarrik 2013ko maiatzaren 27an, bake prozesu hori bultzatzeko hamabi gomendioko zerrenda <\/a><\/span>Aieten aurkeztu zuten.<\/span><\/p>\n

 <\/p>\n\n\t\t